Qyteti i vogël Vò, në veri të Italisë, ku ndodhi vdekja e parë nga koronavirusi në vend, është bërë një rast studimi që tregon se si shkencëtarët mund të neutralizojnë përhapjen e Covid-19.
Një studim shkencor, i zhvilluar nga Universiteti i Padovës, me ndihmën e Rajonit Veneto dhe Kryqit të Kuq, konsistoi në testimin e të gjithë 3,300 banorëve të qytetit, duke përfshirë njerëz asimptomatikë.Qëllimi ishte të studiohej historia natyrore e virusit, dinamika e transmetimit dhe kategoritë në rrezik.
Studiuesit shpjeguan se i kishin testuar banorët dy herë dhe se studimi çoi në zbulimin e rolit vendimtar në përhapjen e epidemisë së koronavirusit të njerëzve asimptomatikë.
Kur filloi studimi, më 6 mars, kishte të paktën 90 të infektuar në Vò.Prej ditësh nuk ka asnjë rast të ri.
“Ne ishim në gjendje të frenonim shpërthimin këtu, sepse identifikuam dhe eliminuam infeksionet 'të zhytura' dhe i izoluam ato," tha për Financial Times Andrea Crisanti, një ekspert i infeksioneve në Imperial College London, i cili mori pjesë në projektin Vò."Kjo është ajo që bën diferencën."
Hulumtimi lejoi identifikimin e të paktën gjashtë personave asimptomatikë që rezultuan pozitivë për Covid-19."Nëse këta njerëz nuk do të ishin zbuluar," thanë studiuesit, ata ndoshta do të kishin infektuar pa e ditur banorë të tjerë.
“Përqindja e njerëzve të infektuar, edhe nëse janë asimptomatikë, në popullatë është shumë e lartë”, shkroi Sergio Romagnani, profesor i imunologjisë klinike në Universitetin e Firences, në një letër drejtuar autoriteteve.“Izolimi i asimptomatikëve është thelbësor për të qenë në gjendje të kontrollojmë përhapjen e virusit dhe ashpërsinë e sëmundjes.”
Ka shumë ekspertë dhe kryebashkiakë në Itali që shtyjnë për të kryer analiza masive në vend, përfshirë ato asimptomatike.
"Një test nuk i bën dëm askujt," tha guvernatori i rajonit Veneto, Luca Zaia, i cili po merr masa për të testuar çdo banor të rajonit.Zaia, e përshkroi Vò si, "vendi më i shëndetshëm në Itali"."Kjo është dëshmi se sistemi i testimit funksionon," shtoi ai.
“Këtu ishin dy rastet e para.Ne i testuam të gjithë, edhe nëse 'ekspertët' na thanë se ky ishte një gabim: 3000 teste.Kemi gjetur 66 pozitivë, të cilët i kemi izoluar për 14 ditë dhe pas kësaj 6 prej tyre kanë qenë ende pozitive.Dhe kështu e përfunduam”.
Megjithatë, sipas disave, problemet e testimeve masive nuk janë vetëm të natyrës ekonomike (çdo shtupë kushton rreth 15 euro) por edhe në nivel organizativ.
Të martën, përfaqësuesi i OBSH-së, Ranieri Guerra, tha: “Drejtori i Përgjithshëm Tedros Adhanom Ghebreyesus ka kërkuar që identifikimi dhe diagnostikimi i rasteve të dyshuara dhe kontaktet simptomatike të rasteve të konfirmuara të shtohen, sa më shumë që të jetë e mundur.Për momentin nuk është sugjeruar rekomandimi për kryerjen e ekzaminimit masiv.”
Massimo Galli, profesor i sëmundjeve infektive në Universitetin e Milanos dhe drejtor i sëmundjeve infektive në spitalin Luigi Sacco në Milano, paralajmëroi se kryerja e testeve masive në popullatën asimptomatike mund të rezultojë megjithatë të jetë e padobishme.
“Ngjitjet për fat të keq po evoluojnë vazhdimisht”, tha Galli për Guardian."Një burrë që rezulton negativ sot, mund të infektohet me sëmundjen nesër."
Koha e postimit: Mar-19-2020